Real Steel (鐵甲鋼拳)

單睇戲名以為係純動作片，但係入場後又有另一樣意思表達出嚟。(因為我係冇睇劇情就入場嘅)

劇情：係2020年，拳擊賽已由人類肉博改為具官能刺激嘅機械人拳擊，因此查理(曉治積曼飾演)只好成為生活潦倒嘅過氣拳手，他亦只好帶著機械人參加黑市比賽維生。而他多年不見嘅兒子 ─ 麥斯亦於此時出現，令他苦惱不已。一次意外，麥斯從垃圾場中檢到一個第二代嘅機械人 ─ 亞當。麥斯決要把亞當訓練出賽，但查理認為不可能(因亞當只是一個陪練機械人)。因麥斯嘅堅決，而令父子同心合力創造一次又一次嘅奇蹟。最終他們可與世界第一比賽，係強弱太懸殊嘅情況下，亞當一直處於挨打狀況下，究竟結果會係點？而兩父子嘅關係又會係點？

睇完戲後，拳擊場面十分精采。機械人嘅造型亦十分漂亮，尤其係亞當嘅造型令人覺得十分討好，好符合身為第二代機械嘅外表 ─ 鈍、矮同埋細。角色方面，一開場嘅三姊妹十分可愛兼抵死。我最喜愛係麥斯同亞當一齊跳舞嘅場面，場面有點意想不到。最後一場嘅拳擊比賽亦會令人不知不覺緊張。主角方面，曉治積曼依然保持水準，最後一場亦表演出佢嘅拳擊功力。麥斯佢嘅演出亦十分可愛同埋生鬼。